ЧИН ПАНИХИДЫ, СОВЕРШАЕМЫЙ В РАДОНИЦУ

Священник: Благословен Бог наш всегда, ныне и присно, и во веки веков.

Хор: Аминь.

Священник: Христос воскресе из мертвых, смертию смерть поправ и сущим во гробех живот даровав. (трижды).

Хор: Христос воскресе из мертвых, смертию смерть поправ и сущим во гробех живот даровав. (трижды).

(совершается каждение вокруг – как у престола на Пасху)

Священник: Да воскреснет Бог, и расточатся врази Его. / Яко исчезает дым, да исчезнут.

Хор: Христос воскресе из мертвых, смертию смерть поправ и сущим во гробех живот даровав.

Священник: Тако да погибнут грешницы от лица Божия, а праведницы да возвеселятся.

Хор: Христос воскресе из мертвых, смертию смерть поправ и сущим во гробех живот даровав.

Священник: Сей день, егоже сотвори Господь, возрадуемся и возвеселимся вонь.

Хор: Христос воскресе из мертвых, смертию смерть поправ и сущим во гробех живот даровав.

Священник: Слава Отцу, и Сыну, и Святому Духу.

Хор: Христос воскресе из мертвых, смертию смерть поправ и сущим во гробех живот даровав.

Священник: И ныне, и присно, и во веки веков. Аминь.

Хор: Христос воскресе из мертвых, смертию смерть поправ и сущим во гробех живот даровав.

Священник: Христос воскресе из мертвых, смертию смерть поправ.

Хор: И сущим во гробех живот даровав.

Диакон: Миром Господу помолимся.

Хор: Господи, помилуй.

Диакон: О свышнем мире и спасении душ наших, Господу помолимся.

Хор: Господи, помилуй.

Диакон: О оставлении согрешений, во блаженней памяти преставльшихся, Господу помолимся.

Хор: Господи, помилуй.

Диакон: О приснопамятных рабех Божиих [имярек], покоя, тишины, блаженныя памяти их, Господу помолимся.

Хор: Господи, помилуй.

Диакон: О простити им всякое прегрешение вольное и невольное, Господу помолимся.

Хор: Господи, помилуй.

Диакон: неосужденным предстати у страшнаго престола Господа славы, Господу помолимся.

Хор: Господи, помилуй.

Диакон: О плачущих и болезнующих, чающих Христова утешения, Господу помолимся.

Хор: Господи, помилуй.

Диакон: О отпуститися им от всякия болезни, печали, и воздыхания: и вселити их идеже присещает свет лица Божия, Господу помолимся.

Хор: Господи, помилуй.

Диакон: Яко да Господь Бог наш учинит души их в месте светле, в месте злачне, в месте покойне, идеже вси праведнии пребывают, Господу помолимся.

Хор: Господи, помилуй.

Диакон: причтении их в недрех Авраама, и Исаака, и Иакова, Господу помолимся.

Хор: Господи, помилуй.

Диакон: О избавитися нам от всякия скорби, гнева и нужды, Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Милости Божия, Царства Небеснаго и оставления грехов испросивше тем и сами себе, друг друга, и весь живот наш Христу Богу предадим.

Хор: Тебе, Господи.

Возглас: Яко Ты еси воскресение и живот, и покой усопших раб Твоих, [имярек], Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.

Канон:

Хор: Аминь. Ирмос 1-й песни: Воскресения день, / просветимся людие: / Пасха, Господня Пасха! / От смерти бо к жизни, / и от земли к Небеси, / Христос Бог нас преведе, / победную поющия. Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Хор: Ирмос 3-й песни. Приидите, пиво пием новое, / не от камене неплодна / чудодеемое, / но нетления источник, / из гроба одождивша Христа, / в Немже утверждаемся.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Хор: Ирмос 4-й песни. На божественней стражи, / богоглаголивый Аввакум / да станет с нами / и покажет светоносна ангела, / ясно глаголюща: / днесь спасение миру, / яко воскресе Христос, / яко всесилен.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Хор: Ирмос 5-й песни. Утренюем утреннюю глубоку, / и вместо мира песнь принесем Владыце, / и Христа узрим, / Правды Солнце, / всем жизнь возсияюща.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Хор: Ирмос 6-й песни. Снизшел еси в преисподняя земли / и сокрушил еси вереи вечныя, содержащия связанныя Христе, / и тридневен, яко от кита Иона, / воскресл еси от гроба.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Ектения малая заупокойная ектения с чтением записок

Диакон: Паки и паки миром Господу помолимся.
Хор: Господи, помилуй.
Диакон:Еще молимся о упокоении душ усопших рабов Божиих [имярек], и о еже проститися им всякому прегрешению, вольному же и невольному.
Хор: Господи, помилуй.
Диакон: Яко да Господь Бог учинит души их, идеже праведнии упокояются.
Хор: Господи, помилуй.
Диакон:Милости Божия, Царства Небеснаго и оставления грехов их, у Христа, безсмертнаго Царя и Бога нашего, просим.
Хор: Подай, Господи.
Диакон: Господу помолимся.
Хор: Господи, помилуй.

Священник глаголет молитву сию: Боже духов и всякия плоти, смерть поправый и диавола упразднивый, и живот мiру Твоему даровавый: Сам, Господи, упокой души усопших рабов Твоих [имярек], в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими словом, или делом, или помышлением, яко благий человеколюбец Бог, прости, яко несть человек, иже жив будет и не согрешит. Ты бо Един кроме греха, правда Твоя правда во веки, и слово Твое истина.

Священник: Яко Ты еси воскресение и живот, и покой усопших рабов Твоих [имярек], Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.

Хор: Аминь.

Кондак, глас 8:

Хор: Со святыми упокой, / Христе, души раб Твоих, / идеже несть болезнь, ни печаль, / ни воздыхание, / но жизнь безконечная. (совершается каждение)

Хор: Глас 8. Аще и во гроб снизшел еси, Безсмертне, / но адову разрушил еси силу / и воскресл еси, яко Победитель, Христе Боже, / женам мироносицам вещавый: радуйтеся! / И Твоим апостолом мир даруяй, / падшим подаяй воскресение.

Хор: Ирмос 7-й песни. Отроки от пещи избавивый, / быв человек, / страждет яко смертен, / и страстию смертное в нетления облачит благолепие, / Един благословен отцев Бог, / и препрославлен.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Хор: Ирмос 8-й песни. Сей нареченный и святый день, / един суббот Царь и Господь, / праздников праздник, / и торжество есть торжеств: / в оньже благословим Христа во веки.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

Хор: Ирмос 9-й песни. Светися, светися, новый Иерусалиме: слава бо Господня на тебе возсия, ликуй ныне, и веселися, Сионе! Ты же, Чистая, красуйся, Богородице, о востании Рождества Твоего.

Припев: Христос воскресе из мертвых.

Священник: Упокой, Господи, души усопших раб Твоих.

Хор: Упокой, Господи, души усопших раб Твоих.

Священник: Слава Отцу и Сыну и Святому Духу.

Хор: И ныне и присно и во веки веков. Аминь.

. Ектения малая заупокойная ектения с чтением записок

Диакон: Паки и паки миром Господу помолимся.
Хор: Господи, помилуй.
Диакон:Еще молимся о упокоении душ усопших рабов Божиих [имярек], и о еже проститися им всякому прегрешению, вольному же и невольному.
Хор: Господи, помилуй.
Диакон: Яко да Господь Бог учинит души их, идеже праведнии упокояются.
Хор: Господи, помилуй.
Диакон:Милости Божия, Царства Небеснаго и оставления грехов их, у Христа, безсмертнаго Царя и Бога нашего, просим.
Хор: Подай, Господи.
Диакон: Господу помолимся.
Хор: Господи, помилуй.

Священник глаголет молитву сию: Боже духов и всякия плоти, смерть поправый и диавола упразднивый, и живот мiру Твоему даровавый: Сам, Господи, упокой души усопших рабов Твоих [имярек], в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими словом, или делом, или помышлением, яко благий человеколюбец Бог, прости, яко несть человек, иже жив будет и не согрешит. Ты бо Един кроме греха, правда Твоя правда во веки, и слово Твое истина.

Священник: Яко Ты еси воскресение и живот, и покой усопших рабов Твоих [имярек], Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.

Хор: Аминь.

Вместо литии:

Стихиры Пасхи, глас 5-й:

Священник: Да воскреснет Бог, и расточатся врази Его.

Хор: Пасха священная нам днесь показася: / Пасха нова святая, / Пасха таинственная, / Пасха всечестная, / Пасха Христос Избавитель: / Пасха непорочная, / Пасха великая, / Пасха верных, / Пасха, двери райския нам отверзающая, / Пасха всех освящающая верных.

Священник: Яко исчезает дым, да исчезнут.

Хор: Приидите от видения жены благовестницы, / и Сиону рцыте: / приими от нас радости благовещения Воскресения Христова; / красуйся, ликуй / и радуйся, Иерусалиме, / Царя Христа узрев из гроба, / яко жениха происходяща.

Священник: Тако да погибнут грешницы от лица Божия, а праведницы да возвеселятся.

Хор: Мироносицы жены, / утру глубоку, / представша гробу Живодавца, / обретоша Ангела, на камени седяща, / и той провещав им, сице глаголаше: / что ищете живаго с мертвыми? / Что плачете Нетленнаго во тли? / Шедше проповедите учеником Его.

Священник: Сей день, егоже сотвори Господь, возрадуемся и возвеселимся в онь.

Хор: Пасха красная, / Пасха, Господня Пасха! / Пасха всечестная нам возсия. / Пасха! / Радостию друг друга обымем. / О Пасха! / Избавление скорби, / ибо из гроба днесь / яко от чертога возсияв Христос, / жены радости исполни, глаголя: / проповедите апостолом.

Священник: Слава Отцу и Сыну и Святому Духу./ И ныне и присно и во веки веков. Аминь.

Хор: Воскресения день, / и просветимся торжеством, / и друг друга обымем. / Рцем, братие, / и ненавидящим нас, простим вся воскресением, / и тако возопиим: / Христос воскресе из мертвых, смертию смерть поправ, и сущим во гробех живот даровав.

Тропари, глас 4:

Хор: Со духи праведных скончавшихся, / душу раб Твоих, Спасе, упокой, / сохраняя их во блаженной жизни, / яже у Тебе, Человеколюбче.

В покоищи Твоем, Господи, / идеже вси святии Твои упокоеваются, / упокой и души раб Твоих, яко един еси Человеколюбец.

Слава Отцу, и Сыну, и Святому Духу: Ты еси Бог сошедый во ад, и узы окованных разрешивый, / Сам и душу раб Твоих упокой.

И ныне, и присно, и во веки веков. Аминь: Едина чистая и непорочная Дево, Бога без семене рождшая, / моли спастися душам их.

Ектения сугубая с чтением записок

Диакон глаголет: Помилуй нас, Боже, по велицей милости Твоей, молим Ти ся, услыши и помилуй.
Хор: Господи, помилуй, трижды.
Диакон: Еще молимся о упокоении душ усопших рабов Божиих [имярек], и о еже проститися им всякому прегрешению, вольному же и невольному.
Хор: Господи, помилуй, трижды.
Диакон: Яко да Господь Бог учинит души их идеже праведнии упокояются.
Хор: Господи, помилуй, трижды.
Диакон: Милости Божия, Царства Небеснаго и оставления грехов их, у Христа, безсмертнаго Царя и Бога нашего, просим.
Хор: Подай, Господи.

Диакон: Господу помолимся.
Хор: Господи, помилуй.

Священник произносит следующую молитву:
Боже духов и всякия плоти, смерть поправый и диавола упразднивый, и живот мiру Твоему даровавый: Сам, Господи, упокой души усопших рабов Твоих [имярек], в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими словом, или делом, или помышлением, яко благий человеколюбец Бог, прости, яко несть человек, иже жив будет и не согрешит. Ты бо Един кроме греха, правда Твоя правда во веки, и слово Твое истина.
Возглас: Яко Ты еси воскресение и живот, и покой усопших рабов Твоих [имярек], Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.
Хор: Аминь.

Священник: Премудрость.

Хор: Христос воскресе из мертвых, смертию смерть поправ и сущим во гробех живот даровав. (трижды).

Священник (отпуст со крестом): Христос, воскресый из мертвых, смертию смерть поправый и сущим во гробех живот даровавый, истинный Бог наш, молитвами Пречистыя Своея Матере и всех святых Своих, души от нас преставльшихся раб Своих в селениих святых вселит, и с праведными причтет, и нас помилует, яко Благ и Человеколюбец.

Хор: Аминь.

Священник, осеняя верующих крестом, говорит: Христос воскресе (трижды).

Священник: Во блаженном успении вечный покой подаждь, Господи, усопшим рабом Твоим [имярек], и сотвори им вечную память (совершается каждение)

Хор: Вечная память (трижды), и поют тропарь

Хор: Христос воскресе из мертвых, смертию смерть поправ и сущим во гробех живот даровав. (трижды поскору).

после тропарей Хор:

Хор: И нам дарова живот вечный, покланяемся Его тридневному воскресению.